A drugarez ur profour eus Kanada e oa bet aozet ar genstrivadeg «An erminig helavar» gant Eil Derez Diwan d’ar Merc’her 16 a viz Here 2024, e lise Gwened.
Digoret e oa an enskrivadurioù da holl liseidi·adezed Eilvet klas Diwan. 23 lisead·ez o deus kemeret perzh er bloaz-mañ. Bez’ o doa da ezteurel o sonjoù dre gomz e-kerzh 5 munut, hep notennoù war un tem dibabet ganto (ekologiezh, gwirioù ar merc’hed, feulster er bed, gwallgas al loened…)
Tro o doa eta da ziskouez o barregezhioù da gendrec’hiñ e brezhoneg.
Barnet e oant war o yezh, o arguzennoù hag o c’hoari gant ur juri.
Prizioù a-feson a oa :
Lilwen BOENNEC (lise Karaez) : 500 €
Iris LORIC-PHILIPPE (lise Karaez) : 400 €
Laouen AUDOIRE (lise Gwened): 300 €
Rosenn MAIGNAN-VINCENT (lise Karaez) : kartenn brof 30 €
Manu GARREAU (lise Karaez) : kartenn brof 30 €
Aelig DANIEL (lise Gwened) : kartenn brof 30€
Mina JOSSO-ARHRID : kartenn brof 30 €
Tudi MAZO-RAGUIN : kartenn brof 30€
Ewen CHOUTEAU : Priz an arvesterien : 150€
Izili ar bodad-barn :
- Pascale Chevillard Renerez pedagogiezh Eil derez Diwan
- Gwenola Coic : Renerez skolaj Bro Dreger
- Kristof Krismenn : Soner, komedian
- Aziliz Peaudecerf : sevenerez podkast
- Morwenna Jenkin : Stummadurez Kreizenn Kelenn
- Goulwena an Henaff : Sevenerez filmoù Frañs 3 Breizh
- Mael Gwenneg : E penn abadennoù e brezhoneg Frañs 3 Breizh
- Marie-Claire Louis : kanerez strollad Triorezed
Trugarez d’ar berzhidi hag izili ar bodad-barn evit ar prantad brav e brezhoneg.
Degemeret mat-kenañ gant skipailh skolaj-lise Gwened. Trugarez dezho.
Diwan
