Daoust da ali kontour meur Keit Vimp Bev da zegas un teuliad adreizhadur barnerezhel goude bezañ klozet kontoù 2023, n’eo ket aet al lez-varn war an tu-se er mintin-mañ (4/6/24) e Kemper. Hervezi, n’eo ket fall a-walc’h stad ar c’hontoù hirio an deiz evit lakaat ar gevredigezh dindan adreizhadur. Fiziañs o deus ar varnerien er c’huzul-merañ nevez evit merañ gwelloc’h Keit Vimp Bev en doare ma ne vezo ket rediet da vont dirak al lez-varn hiviziken.
N’omp ket tremenet pell eus un adreizhadur barnerezhel memes tra ha setu perak hon eus ezhomm eus ho souten, muioc’h eget biskoazh !
Penaos ober ? Koumanantit da Rouzig, da Louarnig pe da Ya!, brudit hor c’helaouennoù, komzit ac’hanomp. Hag evel-just e c’hellit kemer perzh en dastum arc’hant el lec’hienn HelloAsso (ma kavit gwelloc’h kas ur chekenn e c’hellit kas anezhi da : Keit Vimp Bev, 22 Grand Rue, 29520 Laz).
Trugarez vras deoc’h !
A wir galon,
Skipailh KVB
Mont e darempred gant Gege Gwenn (prezidant KVB) : 06 81 15 43 54
