D’ar c’hentañ a viz Here, deiz ar feur-emglev peoc’h etre ar bobl mi’kmaq ha gouarnamant ar C’hanada, e vo sinet ar c’hentañ lezenn oc’h anavezout ent-ofisiel ar yezh mi’kmaq gant gouarnamant emren Nova-Scotia. Ur steuñv a advuhezekaat yezhel a vo goveliet a-c’houdevezh diàr ur c’henlabour etre ar c’humuniezhoù henvroat ha servijoù ar gouarnamant.
Estroc’h evit gouezeleg Bro-Skos a vez komzet e Nova-Scotia kar, nevez zo, ur yezh henvroat, ar mi’kmaq, a zo bet anavezet gant gouarnamant emren Nova Scotia, e reter Kanada. Divyezhek, zoken, saozneg-mi’kmaq, eo bet embannet ar gemennadenn gant ar gouarnamant a lakae ofisiel kement-mañ ! (…)
Ur pennad gant Fabien Lecuyer embannet en niverenn 879, d’ar 15 a viz Ebrel 2022.
