Penaos kemer er c’houlzad kentañ ?
Abaoe ouzhpenn 10 vloaz ez eo an abadenn Foeterien ur programm dibar eus ar re vrudetañ e-touesk an holl abadennoù produet e brezhoneg.
Klask a reomp bep bloaz ur vro pe ur rannvro a c’hello plijout d’ar sellerien kenkoulz ha d’ar Foeterien, pa vefe da-geñver ar maezioù pe ar sevenadur. Goude bezañ bet e Jorjia hag er broioù Balt hon eus soñjet e oa mat deomp mont davet ar c’hreisteiz. Alese “Makedonia”.
Ha neuze, mennet oc’h da foetañ bro ?
Etre 18 ha 65 bloaz oc’h hag e komzit brezhoneg ?
Betek fin miz Ebrel e c’heller lakaat e anv.
Lezit ho CV hag ul lizher emginnig gant foeterien@gmail.com pe gant messenger Gwengolo Filmoù : https://www.facebook.com/gwengolo.filmou.
Bec’h de’i !
Skipailh Foeterien
