Aozet e vez Prizioù Dazont ar Brezhoneg gant France 3 Breizh hag Ofis Publik ar Brezhoneg bep bloaz. Raktreset e oa abaoe un nebeud sizhunioù met siwazh eo bet « nullet » an emvod abalamour d’ar c’hleñved-red. A-benn ar fin e oa dre videoprezeg, neuze, d’ar gwener 21 a viz Genver evit dibab tri loread e pep rummad. Roet e vo an disoc’hoù e-kerzh al lid a vo dalc’het e Lannarstêr d’ar merc’her 23 a viz Meurzh.
Ar bloaz-mañ e kaver er bodad-barn : Maryvonne Berthou, Tanguy Solliec, Tara Adeux, Koulman Mathieu, Stéphanie Coquillon, Nikolaz Gourvenec ha Jeanne Bocquenet-Carle.
Setu al loreidi :
Strollegezh
- Mor-Bihan Gwened tolpad kêrioù, evit brasaat plas ar brezhoneg er vuhez foran.
- SDIS 29, evit bezañ savet fichennoù diwar-benn al lec’hanvadurezh e brezhoneg.
- Ti embann ar skolioù (TES), evit bezañ savet an arload « Kiou ».
Kevredigezh
- Splann ! ar media dizalc’h e Breizh.
- Stumdi ha Ti ar Vro Gwengamp, evit ar stummadur a ginnigont war micherioù ar radio hag al liesvedia..
- Ti ar Vro Landerne-Daoulaz, evit bezañ savet ur greizenn-dudi e brezhoneg.
Embregerezh
- Bagadini, roet ul lodenn eus an arc’hant da zDiwan Breizh.
- Miltamm, evit reiñ an tu da vezañ stummet e brezhoneg war micherioù ar vugaligoù.
- Treebal, evit bezañ savet un arload « Whatsapp » e brezhoneg.
Lennegezh
- E seizh avel ar bed, gant Fañch Peru, embannet gant Skol Vreizh.
- Mehdi divroad, gant Goulc’han Kervella, embannet gant Skrid.
- Morlenn, gant Jorj Abherve-Gwegen, embannet gant An Alarc’h Embannadurioù.
Kleweled
- Dañsal dindan ar glav, gant Goulwena an Henaff.
- Fin ar Bed koulzad 2, gant Nicolas Le Borgne.
- Noz, gant Soazig Daniellou.
Sonerezh
- Youn Kamm, Treizh, L’Usinerie Production.
- Emezi (Perynn Bleunven hag Elise Desbordes).
- Denez, Stur an avel, Coop Breizh Musik.
Brezhoneger·ez ar bloaz
- Tifenn Merien ha Brendan Guillouzic-Gouret a zo e penn an ti-embann « Timilenn ».
- Morgan Gilet evit bezañ savet an arload « Kwizh Brezhoneg ».
- Bleuñvenn Konan, evit bezañ savet baleadennoù e brezhoneg.
