Ganet e oa bet Graeme Allwright, e 1926, e kêr Wellington e Bro-Zeland-Nevez. Ez-vihan e plije kenañ dezhañ kanañ. Gant ar c’hoariva e oa troet-bras ivez. Ha setu eñ, deut da baotr yaouank, o vont da Vro-Saoz da zeskiñ ar vicher komediañcher. Daou vloaz diwezhatoc’h e teuas da chom da Vro-C’hall. Ha kenderc’hel gant e vicher c’hoarier. Da Yannig e vil vicher ez a, e gwirionez, evit kaout bara da zebriñ.
D’e zaou-ugent vloaz nemetken e stag da vat da ganañ. Treiñ a ra e galleg kanaouennoù Pete Seeger, Tom Paxton, Woody Guthry ha reoù Bob Dylan ha Leonard Cohen dreist-holl (Suzanna, An estren…). Ur c’haner engouestlet eo…
Ur pennad gant Goulc’han Kervella.
_________
